Um menningarnótt

Auglýst er eftir frumlegum og skemmtilegum viðburðum á Menningarnótt 2013 sem haldin verður 24. ágúst nk. Menningarnótt er hátíð sem allir borgarbúar skapa og upplifa saman, úti á torgum og götum miðborgarinnar, í bakgörðum eða söfnum, fyrirtækjum og ekki síst í húsunum í bænum.

Yfirskrift hátíðarinnar er „Gakktu í bæinn!“ sem vísar til þeirrar gömlu og góðu hefðar að bjóða fólk velkomið og gera vel við gesti.

Ef þú hefur hug á að skipuleggja og standa fyrir viðburði á Menningarnótt og vantar stað eða ert staðarhaldari og óskar eftir aðstoð við að finna skemmtilegan viðburð þá sækirðu um hér.

Umsóknarfrestur fyrir styrkumsóknir rann út sunnudaginn 9. júní. Tekið verður á móti almennum umsóknum um þátttöku fram til 31. júli.